На трэцюю гадавіну паўнамаштабнай расейскай агрэсіі супраць Украіны, якая адбылася з тэрыторыі Беларусі з дазволу Лукашэнкі, улады Аўстраліі ўвялі санкцыі супраць шэрагу расейскіх і беларускіх прадпрыемстваў. У спіс трапіў і Аршанскі авіярамонтны завод, што месціцца ў Болбасаве.
Аршанскае прадпрыемства трапіла ў спіс, бо аўстралійскі ўрад падазрае яго ў спрыянні тэхнічнаму ўзбраенню расейскіх войскаў, якое дапамагае працягваць вайну.
Таксама ў санкцыйным спісе аўстралійцаў заводы БелОМО, ім.Вавілава, «Пеленг» і шэраг іншых гігантаў беларускай прамысловасці. Гэта найбольшы санкцыйны спіс, уведзены Аўстраліяй з лютага 2022 году.
Санкцыі Аўстраліі замінаюць названым прадпрыемствам свабодна весці дзейнасць на міжнароднай арэне, атрымліваць і выконваць заказы з шэрага краінаў.
У расейскай частцы спісу 70 фізічных асоб і 79 арганізацый. У беларускай 5 фізічных асоб і 7 прадпрыемстваў.
