Супрацоўнікі МНС атрымалі паведамленне пра пажар увечары 23 лютага. Да моманту прыбыцця пажарнай тэхнікі двухкватэрны аднапавярховы драўляны дом па вуліцы Крупскай ужо гарэў адкрытым полымем.
Даведаўшыся ад суседзяў, што ў доме могуць знаходзіцца людзі, ратавальнікі прарваліся ў задымленае памяшканне. У адной з кватэр імі быў знойдзены гаспадар. Ён быў у свядомасці. Супрацоўнікі МНС вывелі яго на паветра, выклікалі хуткую дапамогу і перадалі медыкам. Мужчына шпіталізаваны ў Круглянскую раённую бальніцу з атручваннем прадуктамі гарэння. Стан пацярпелага здавальняючы.
У другой кватэры пад згарэлымі канструкцыямі было знойдзена цела яшчэ аднаго мужчыны. Гаспадар гэтай кватэры быў не жывы.
Па словах суседзяў, абодва мужчыны злоўжывалі спіртнымі напоямі. Іх кватэры мелі пячное ацяпленне і не былі абсталяваны аўтаномнымі пажарнымі апавяшчальнікамі. Прычына пажару высвятляецца. Магчыма, мела месца неасцярожнае абыходжанне з агнём.
