Надзвычайнае здарэнне адбылося вечарам 27 лютага. Супрацоўнікі МНС атрымалі выклік з пасёлка станцыі Лотва Шклоўскага раёна.
Высветлілілася, што ў доме з аўтаномным ацяпленнем адбыўся разрыў ацяпляльнага катла, які працаваў на цвёрдым паліве і быў умантаваны ў печку на кухні.
51-гадовы гаспадар на той час знаходзіўся дома, але, на шчасце, атрымаў толькі лёгкія траўмы і драпіны. Тым не менш, яго шпіталізавалі ў Шклоўскую ЦРБ.
Па вяртанні дадому яго чакае істотны рамонт: у выніку разрыва катла развалілася печка, пашкоджана ўнутраная аддзелка кухні. Асноўныя канструкцыі дома засталіся цэлымі. Адмыслоўцы мяркуюць, што магчымай прычынай здарэння магла стаць адсутнасць вады ў катле і сістэме ацяплення.
