«Гераіняй» амаль што анекдатычнай адміністрацыйнай справы стала жыхарка Лёзна, якую заспелі за крадзяжом цукерак ў краме «Санта». Жанчына ўзяла жменьку развясных цукерак і паклала сабе ў кішэню — такую карціну «ўбачыла» відэакамера службы аховы.
Ахоўнікі выклікалі міліцыю. А таксама вырашылі прагледзець папярэднія запісы з відэакамер, бо пакупніца заходзіла ў гэтую краму дастаткова часта. Як аказалася, жанчына клала ў кішэню па жменьцы цукерак 4 дні запар...
Вынесці «на сабе» ёй удалося хіба грамаў трыста — чатырыста незаконна здабытых кандытарскіх вырабаў. Але «пацягнулі» яны ажно на 168 рублёў — менавіта такі штраф быў прысуджаны Лёзненскім раённым судом па чатырох адміністрацыйных пратаколах за дробны крадзеж (арт. 11.1 КаАП РБ). Ясна, што за такую суму жыхарка райцэнтра магла б купіць не чатыры жменькі, а кілаграмаў
Што цікава: асуджаная жанчына не была беспрацоўнай або жабрачкай — яна мела заробак больш за 1000 рублёў.
