Рэгіён, Здарэнні

Праваліўся пад лёд

08.03.2025 10:50

2072 прагляду, 0 каментароў

7 сакавіка ў Багушэўску выратавалі рыбака

Пра тое, што на Багушэўскім водасховішчы тоне чалавек, ратавальнікі атрымалі сігнал у 15.10. Нягледзячы на тое, што на Сенненшчыне ў гэты дзень было анамальна цёпла, пенсіянер 1955 года нараджэння наважыўся выйсці на лёд. Лёд не вытрымаў...

Мужчына спрабаваў выбрацца з ледзяной вады самастойна, але дапамога ад супрацоўнікаў МНС прыйшла вельмі своечасова. На беразе ўжо чакала хуткая дапамога, медыкі канстатавалі пераахалоджанне і завезлі пацярпелага ў Сенненскую раённую бальніцу.

Дзіўна, але нетыпова цёплае для ранняй вясны надвор’е не спыніла ў той самы дзень яшчэ некалькіх аматараў зімовай рыбалкі. Падобныя выпадкі былі зафіксаваны ў 8-мі рэгіёнах Віцебскай вобласці. У Браслаўскім, Пастаўскім, Ушацкім і Віцебскім раёнах 5 рыбакоў патанулі, у Гарадоцкім, Докшыцкім, Полацкім і Сенненскіх раёнах 4-х чалавек удалося выратаваць.