У відэа закадравы голас жонкі стваральніка сайту — праграміста «Лягмашу» — Анжэлы, якая таксама працуе на прадпрыемстве, але ў аддзеле кадраў. Маладыя людзі гавораць, што лепяць у горадзе аб’явы пра свой сайт і спадзяюцца знайсці для самотных аршанскіх дзяўчын пары.
На сайце анкеты мужчынаў, якія шукаюць сабе жанчыну. Гэта і разведзеныя, і ўдаўцы, і тыя, хто ніколі не быў жанаты. Тыя, хто мае дзяцей, і тыя, хто ня мае. Аўтары на відэа, выпушчаным у сакавіку, заяўляюць, што кожная самотная жанчына знойдзе сабе мужчыну.
Даволі забаўным момантам у відэа падаецца заява стваральнікаў праекту знаёмстваў пра тое, што сярод мужчынаў на сайце «няма вычварэнцаў і аматараў сэксу». Пра адсутнасць вычварэнцаў, вядома, станоўчая навіна, але ў чым кепска, калі мужчына любіць сэкс — незразумела. Магчыма, мелася на ўвазе катэгорыя мужчынаў, якім насамрэч патрэбны выключна сэкс, а не сур’ёзныя адносіны, якія прыходзяць шукаць на гэтым сайце.
З водгукаў, пакінутых на старонцы, відаць, што праца праекту ўжо дае свой плён. Аршанцы пачалі больш знаёміцца на ім, стваральнікі сайту публікуюць усё новыя анкеты мужчынаў для знаёмства.
