Усё пачалося традыцыйна: пажылой жанчыне са Шклова патэлефанавалі на WhatsApp нібыта ад імя кампаніі мабільнай сувязі. Ветлівы мужчынскі голас прапанаваў змяніць тарыф на больш выгадны. Прычым растлумачыў, што ў офіс для гэтага прыходзіць не трэба - дастаткова перайсці па спасылцы і прадыктаваць па тэлефоне свае пашпартныя дадзеныя. Выканаўшы ўсе патрабаванні, пенсіянерка атрымала паведамленне, што"дагавор паспяхова перазаключаны".
Аднак неўзабаве да яе патэлефанавалі зноў. Цяпер суразмоўца назваўся палкоўнікам фінансавай міліцыі. Ён паведаміў жанчыне, што яна стала ахвярай злачынцаў і што цяпер яе пашпартныя звесткі будуць выкарыстаныя для доступу да банкаўскіх рахункаў і для продажу яе жылплошчы.
"Палкоўнік фінансавай міліцыі "тут жа прапанаваў варыянт “выратавання кватэры": для гэтага жанчына павінна неадкладна пайсці ў агенцтва нерухомасці і заключыць нібыта фіктыўную здзелку на продаж з "давераным чалавекам з органаў"...
Напалоханая пенсіянерка тут жа паспяшалася хутчэй выконваць параду. І ад страты кватэры ўжо па-сапраўднаму яе выратавала чыстая выпадковасць-тэлефонны званок дачкі, якая зразумела, што маці трапілася на хітрыкі махляроў.
Шматхадовая камбінацыя не ўдалася: замест агенства нерухомасці жанчына наўпрост пайшла ў міліцыю пісаць заяву. Па гэтым факце ўзбуджаная крымінальная справа.
