У апошнім паядынку ў рамах падрыхтоўкі да чарговага сезону аршанскія футбалісты сустракаліся з «Віцебскам-ІІ». Сустрэча праходзіла ў Віцебску.
Нягледзячы на ўпарты супраціў каманды гаспадароў, блакітна-чорным удалося перамагчы. Дубль аформіў Селязнёў, яшчэ адзін гол на рахунку Нікіпаронка, які вярнуўся ў нашу каманду з «Маладзечна».
Вікторыя 3:2, і аршанцы завяршаюць праграму таварыскіх паядынкаў да новага чэмпіянату. Ужо ў суботу, 29 сакавіка, «Ворша» правядзе першую сустрэчу новага першынства супраць БАТЭ-ІІ.
Стаў вядомы дакладны час і месца правядзення сустрэчы. Гэта 15-я гадзіна і менскі САК «Алімпійскі». Такім чынам, у госці да БАТЭ-ІІ аршанцы паедуць не ў месца прыпіскі супара — Барысаў, а ў Менск.
