Матывацыю Дубровенца зразумець складана. Было б лагічна, калі б ён быў школьнікам і не хацеў ісці на заняткі ці кантрольную. Але 45-гадовы мужчына і без таго збіраўся быць цэлы дзень свабодны, бо з раніцы не слаба ўжыў алкаголю. Менавіта алкаголь і стаў адзінай зразумелай прычынай яго паводзінаў.
Учора а 11-05 на тэлефон 102 у горадзе Дуброўна патэлефанаваў невядомы і паведаміў, што ў Дубровенскіх школах закладзеныя выбуховыя прыстасаванні. Пасля праверак міліцыі, канешне, аніякіх выбуховак знрйдзена не было. А невядомы заставаўся невядомым не працяглы час. На сёняшні дзень ён затрыманы, заведзена крымінальная справа.
