За адзін дзень - 4 лістапада - наркотыкі былі канфіскаваныя ў двух месцах Аршаншчыны. Першы поспех супрацоўнікі міліцыі атрымалі а 13-00 у вёсцы Міцькаўшчына. У адным з вясковых дамоў было знойдзена адразу 76,3 кілаграмаў семян маку, якія належалі жыхару горада Орша.
Другі раз незаконны абарот наркатычных сродкаў быў выяўлены вечарам а 22-00 у жыхара нашага гораду было канфіскавана 120 грамаў сумясі, якая ўтрымлівала псіхатропныя рэчывы.
Варта нагадаць, што законам у Беларусі прадугледжаныя вельмі жорсткія пакаранні за захоўванне і распаўсюд наркатычных сродкаў.
