Інфармацыю пра здарэнне апублікаваў сайт грамадскай кампаніі "Наш Дом" за аўтарствам жыхара Коханава Мікалая Пятрушэнка.
Паводле апублікаванага, 15 кастрычніка двое мужчынаў падазраваных у нападзе на фуру на трасе Брэст-мяжа Расійскай Федэрацыі з мэтай схавацца ад пераследвання міліцыяй наблізіліся да Коханава. Недалёка ад чыгуначнай станцыі злодзеі былі амаль арыштаваныя, але ім удалося выкруціцца і яны скіраваліся ў само мястэчка. Тады міліцыя адкрыла стральбу першыя залпы гучалі каля дамбы ля штучнай сажалкі, наступныя стрэлы ў лесе каля дачнага мястэчка. Каля гаражнага кааператыву пасля аўтаматнай чаргі ў пераследуемага мікрааўтобуса былі прабітыя колы. Падазраваныя змаглі праехаць яшчэ невялікую адлегласцйь і ўпёрліся ў тупік дзе былі арыштаваныя. Адзін з арыштаваных параненым дастаўлены ў бальніцу.
У мікрааўтобусе знойдзена зброя, наркотыкі і скрадзены тавар - тэлевізары.
Па стане на раніцу 17-га лістапада Міністэрства унутраных справаў афіцыйна інфармацыю пра дадзены інцэдэнт не апублікавала.
