Звязана гэта з ўвядзеннем з 1 сакавіка абавязковай сертыфікацыі тавараў. Калі канкрэтней, то праблема не ў самой сертыфікацыі, а ў тым, што сертыфікаты на тавары набытыя ў Расіі атрымаць не магчыма. Пры гэтым, ні ў Расіі, ні ў Казахстане, якія ўзялі на сябе такія ж абавязкі на ўзроўні дзяржаваў, кантралюючыя органы тыя сертыфікаты і не патрабуюць. У выніку, у адрозненні ад калегаў з Расіі і Казахстана, беларускія дробныя прадпрымальнікі працаваць проста не змогуць. Хаця за дзень да ўвядзення абавязковай наяўнасці сертыфікатаў, улада пайшла на саступкі, прадпрымальнікі не давяраюць вусным заявам чыноўнікаў і ў Оршы прынялі рашэнне не працаваць, прынамсі, да 5 сакавіка, калі хаця б нейкая пастанова ўрада можа быць апублікавана ў газетах.
У суввязі з гэтым, у нядзелю на аршанскім рынку працавала не больш за сотню шандлёвых кропак. Пры гэтым, прадпрымальнікі на рынку былі, але не парцавалі, а размаўлялі пра тое як будуць жыць далей. Закрыліся да 5 сакавіка і некаторыя прыватныя прамтаварныя крамы па-за рынкам.
