Раней па падазрэнні ў забойстве адразу пасля здарэння на месцы былі затрыманыя два маладых чалавекі. Сёння пад вартай застаецца толькі адзін з іх 1990 года нараджэння, якому прад'яўлена абвінавачанне ў забойстве святара Аляксандра Марозава. Пра гэта паведамілі афіцыйныя прадстаўнікі следчага камітэту па Віцебскай вобласці.
Прэс-служба МУС таксама апублікавала афіцыйную інфармацыю пра здарэнне. Паводле афіцыйнай версіі цела айца Аляксандра знайшлі а 22-25 у Оршы, але не ў доме святара, а ў доме забойцы. Адпаведна, забойца не быў бамжом, як пра гэта раней паведамілі блізкія да царквы сродкі масавай інфармацыі.
