Пенсіянерка 1947 года нараджэння апошні раз пабывала на сваім лецішчы ў вёсцы Ліпкі ў нядзелю 17 лістапада. Наступны раз "на фазэнду" яна вярнулася роўна праз тыдзень - 24 лістапада і пабачыла за гэты час значныя змены ў гаспадарцы.
Першае што кінулася ў вочы - адсутнасць у адным з вокнаў шкла - яно было разбіта. Менавіта праз разбітае шкло злодзеі і патрапілі ў хату, каб змяніць гаспадарку пенсіянеркі. У выніку зменаў гаспадаркі бязследна зніклі, здавалася б, непатрэбныя і ў асноўным старыя рэчы: насценная лямпа, вопратка, металічная тачка, чугунная ванна і 20 метраў меднага дроту. Большасць зніклых рэчаў злачынцы збіраліся здат на метал. Агулам крадзёж ацэнены на суму 3 мільёны 70 тысяч рублёў.
Міліцыя змагла выявіць падазраваных. Сярод іх тры чалавекі - жыхар вёскі Ліпкі 1985 года нараджэння і два жыхара Балбасава 1978 і 1979 года, распачата крымінальная справа.
