Крама была зачынена ў гэтым годзе ў выніку банкруцтва гандлёвага прадпрыемства "Раніца", як і іншыя гандлёвыя кропкі прадпрыемства. Цяпер крама адчынена зноў, але гандаль тут наладжвае новы гаспадар - Орша-Сервіс, які таксама, па-сутнасці, з'яўляецца дзяржаўным прадпрыемствам ў сферы абслугоўвання. Не рэгулярна пачала працаваць і крамка празваная ў народзе "Маленькая Раніца" - былая чабурэчная па Магілёўскай. Замест харчоў і чабурэкаў тут час ад часу прадаюць дробныя прамысловыя тавары.
Закрыццё і аднаўленне працы Раніцы не адзіная значная змена ў сферы абслугоўвання нашага гораду. Так, некаторы час таму мясакамбінат паведаміў пра здачу ў арэнду сваіх фірмовых крамаў па вуліцы Магілеўскай (не парцуе некалькі меяцаў) і Шклоўскай.
Сярод прыватных аб'ектаў сэрвісу самым заўважным закрыццём апошняга часу стала закрыццё бара Джокер у Чаромушках. Бар быў даволі папулярным у свой час, а з яго прыбытку часткова фінансаваўся валейбольны клуб "Узлёт", але ў гэтым годзе колькасць наведвальнікаў бара значна скарацілася.
Паралельна з'яўляюцца ў горадзе і новыя, але больш дробныя, аб'екты гандлю. Так, адчыніліся ўсе шапікі сеткі гандлю Гродзенскай тытунёвай фабрыкі "Табак". Па вуліцы Міра амаль адначасова адчыніліся адразу тры спецыялізаваныя крамы піва - "Хмяльны пінгвін" і "Піўная кружка" ў раёне Усходняй і "Бірхаўз" ў цэнтры.
