Выступ індзейцаў у Оршы стаў нечаканасцю для жыхароў горада, і моцна ўразіў аршанцаў. У той жа дзень у сацыяльных сетках з'явіліся сотні фотаздымкаў і відэазапісаў з выступу эквадорцаў у Оршы. Быў і казус. Некаторыя гледачы ўспрынялі выступаючых не як вандроўных музыкаў, а як шаманаў з далёкага кантыненту, якія выкарыстоўваюць музыку ў рытуальных мэтах і могуць увесці чалавека ў транс. Такі неабгрунтаваны містычны страх з'явіўся не зусім на пустым месцы: яркія строі, экзатычная музыка, а галоўнае - пад час іх выступу ў раёне вакзала у аднаго з гледачоў проста падчас назірання за гуртом здарыўся прыступ эпілепсіі, з-за чаго па Оршы папаўзлі слухі пра невядомых і вельмі моцных шаманаў. Мужчыне была выклікана хуткая дапамога, а індзейцы з-за здарэння згарнулі свой выступ.
Прапануем вашай увазе некалькі аматарскіх відэа выступу
