Пасля таго, як беларуская і расейская чыгункі ўнеслі змены ў рух прыгарадных цягнікоў паміж Оршай і Смаленскам, дабірацца да бліжэйшага горада Расеі стала складаней. Цяпер спачатку на электрычцы трэба даехаць да Краснага, і толькі потым набываць квіток да Смаленска. Безумоўна, гэта датычыцца толькі прыгарадных цягнікоў, на міжнародных даехаць да Смаленска значна лягчэй, але і значна даражэй.
Цяпер з Оршы ў Смаленск і назад можна ездзіць на аўтобусе. Унесеныя змены ў адпаведны рух. Напрыклад, 29 лістапада з Оршы ў Смаленск аўтобус адпраўляецца ў 20:45 з аўтавакзала. У Смаленск прыбывае апоўначы. Кошт квітка — 124 079 рублёў. Але рэйсы не штодзённыя, за імі можна сачыць тут. З аўтавакзала Смаленска ў Оршу можна трапіць у пятніцу, суботу і нядзелю. Адпраўленне ў 13:30 (прыбывае ў 15:00 па расейскім часе, адпаведна па беларускім часе аўтобус адпраўляецца ў 12:30 і прыбывае ў 14:00). Ёсць рэйс і на 14:30 па беларускім часе, прыбыццё ў Оршу а 16:00. Кошт квітка 240 рублёў Расеі.
