Орша, Эканоміка

Металістаў пакаралі

28.05.2015 07:01

2719 праглядаў, 0 каментароў

Нелегальныя прадпрымальнікі прымалі металалом у насельніцтва і здавалі афіцыйна

Правахоўныя органы зачынілі нелегальны пункт прыёма металалому. Пункт прыёма работаў у Оршы з 2012 года і раней ужо меў непрыемнасці з міліцыяй, але працягваў працаваць. Аднойчы ўладальнікі металазагатоўкі заплацілі штраф і "падарылі" ў выглядзе канфіскату дзяржаве 7 тон металалому. Схема работы прадпрымальнікаў было даволі простая, але эфектыўная: нелегальна ў насельніцтва закупаўся метал, а потым здаваўся афіцыйна ў легальныя пункты прыёма. Так проста за тры гады нелегалы зарабілі больш за 360 мільёнаў рублёў. Такія высновы зрабілі спецыялісты міжраённага аддзела фінансавых расследванняў у рукі якіх патрапілі чарнавыя запісы прадпрымальнікаў. У запісах вёўся ўлік пра закупкі метала і колькасць тавару падрыхтаванага да адгрузкі.