У сюжэце не ўпамінаецца ў якой канкрэтна вёсцы праявіўся крыж, а па тым што інтэрв'ю дае старэйшына вёскі Стаўры Ігар Грышанаў, то можна падумаць што размова вядзецца пра гэтую вёску. Насамрэч крыж у сваёй вёсцы знайшлі жыхары Вялікай Міцькаўшчыны яшчэ летам. Паводле словаў відавочцаў, тады крыж на дубе быў значна больш яркі. Ігар Грышанаў звярнуўся да журналістаў АНТ, але тых інфармацыя пра цуда не зацікавіла. Але на днях адзін з карэспандэнтаў тэлеканалу апынуўся на Аршаншчыне па іншых справах, выпадкова ён скантактаваўся з Грышанавым з чаго і атрымаўся відэа-сюжэт, які прыводзім вам цалкам.
Крыж стаў яшчэ адной славутасцю вёскі, да таго турысты маглі пабачыць у вялікай Міцькаўшчыне помнік ахвярам другой сусветнай вайны і сярэднявечнае замчышча захаванае ў даволі прыстойным выглядзе.
