У панядзелак вечарам - 22 чэрвеня - на трасе М1 не далёка ад вёскі Высокае міліцыяй быў спынены аўтамабіль Івеко пад кіраваннем індывідуальнай прадпрымальніцы з мястэчка Лясны Мінскага раёна. У аўтамабіле перавозілася 3.800 бутэлек расійскай гарэлкі без акцызных марак Беларусі, агулам 1.900 літраў на агульную суму 285.000.000 рублёў. На жанчыну складзены адміністратыўны пратакол, а алкаголь канфіскаваны.
Двума начнымі крадзяжамі адзначыўся аўторак у Бабінічах. Раніцай 23 чэрвеня з гэтага аграгарадка з розніцай у 15 хвілін у міліцыю паступіла два паведамленні пра крадзяжы, якія адбыліся ў ноч з 22-га на 23-е чэрвеня. У аднаго з звярнуўшыхся - жыхара Бабінічаў - невядомы зламаў дзвярныя запоры ў сараі каля дому і скраў шліфавальную машынку і зварачны апарат на суму 2.500.000 рублёў. Другі звярнуўшыся жыхар Віцебска, у яго аўтамабіле, які знаходзіўся ў двары дома, злачынец разбіў шкло пярэдняй дзверы і з машыны скраў аўтамагнітолу, сабвуфер, монаблок і CD-дыскі. Страты ацэнены ў 12.900.000 рублёў. У абодвух выпадках злачынца не знойдзены, заведзены крымінальныя справы.
