Кватэрнік даволі папулярная форма канцэртаў, якая засталася ад забаронаў часоў СССР. З развалам Саюза кватэрнікі не зніклі, а ў сучаснай Беларусі атрымалі новае развіццё. Часта кватэрнікі праволдзяцца і ў Оршы як у фармаце "Толькі для сваіх", так і адкрытыя для ўсіх ахвотных.
Адкрыты для ўсіх ахвотных кватэрнік пройдзе 10 ліпеня па адрасе вуліца Чырвонаармейская д. 13, пачатак а 18-00. Сваю творчасць публіцы прадставяць маладыя выступоўцы - мінчанка Паліна Красноўская і гурт бараньца Уладзіслава Лепяшынскага, які за час навучання ў Мінску цалкам абнавіў склад і рэпертуар. Кватэрнік арганізоўваецца ў рамках кампаніі "Мы аршанцы, мы беларусы" пры падтрымцы ініцыятывы "Беларускі сад".
На відэа: Паліна Красноўская, песня "Слухай сваё сэрца"
На відэа: Уладзіслаў Лепяшынскі, песня "Побач"
