У пятніцу 26 чэрвеня каля вёскі Паграбёнка Сененскага раёну знойдзена вялікая колькасць боепрыпасаў часоў Другой Сусветнай вайны: 17 артылерыйскіх снарадаў калібра 45 міліметраў, 12 снарадаў калібра 76 міліметраў , 3 снарады калібра 122 міліметры, 6 снарадаў 152 міліметраў, 23 мінамётныя міны, 22 артылерыйскіх узрывальнікі і 27 розных гранатаў.
У Оршы 27 чэрвеня па вуліцы Юбілейная загарэўся жылы дом пенсіянеркі. Вагнём пашкоджаны дах, знішчаны дзве пабудовы ў двары.
У Аршанскім раёне ў ноч з 27-га на 28-е злачынца вынуў шклопакет з неахоўваемага офіса і скраў тры ноўтбукі на суму 5.600.000 рублёў. У крадзяжы падазраецца жыхар Оршы 1991 года нараджэння.
На трасе М1 у Талачынскім раёне раніцай 28 чэрвеня затрыманы аўтамабіль пад кіраваннем жыхара Мінска, які без акцызных марак Беларусі правозіў 320 бутэлек гарэлкі.
