Прычына затора відавочная - аварыя. Прыблізна а 7-30 раніцы, калі на дарогах "час пік", бо людзі масава едуць на работу, два легкавых аўтамабіля сутыкнуліся даволі лёгка проста пад чыгуначным мастом. Пры тым што пашкоджанні аўтамабілі атрымалі лёгкія, пакуль было выклікана ДАІ і пакуль скончылася разбіральніцтва праезд быў значна ўскладнёны. Да гэтае пары дадзены мост з'яўляецца адзінай тонкай транспартнай артэрыяй якая злучае цэнтральную частку горада і раёны ўнутры кальцавой чыгункі.
Яшчэ адна нязначная аварыя адбылася прыблізна а 11-30 на мосце праз чыгунку ў раёне чыгуначнага тэхнікуму. Тут таксама сутыкнуліся два легкавіка, у абодвух аварыях ніхто не пацярпеў.
