Саветам міністраў Рэспублікі Беларусь прынята пастанова № 709. Міністэрства фінансаў мусіць павялічыць статутны фонд Аршанскага ільнокамбіната яшчэ ў 2015 годзе. Гэта адбудзецца за кошт грошай дзяржаўнага мэтавага бюджэтнага фонда нацыянальнага развіцця. Сума - 9 мільёнаў 147 тысяч даляраў ЗША. Ужо да канца жніўня ў статутным фондзе прадпрыемства павінны з'явіцца 1 млн. 812,3 тыс. даляраў, астатняя сума будзе пералічаная ў верасні.
Грошы пералічваюцца на спецыяльны рахунак, адкрыты прадпрыемствам для фінансавання інвестыцыйнага праекту "Мадэрнізацыя РУВГП "Аршанскі ільнокамбінат" з пашырэннем вытворчасці па вуліцы Маладзёжнай, 3, у Оршы. Другі этап мадэрнізацыі". Пералічаныя сродкі павінны выкарыстоўвацца на фінансаванне праектна-пошукавых, будаўніча-мантажных работ і набыццё абсталявання пры выкананні гэтага інвестпраекта, удакладнілі ў прэс-службе Саўміна.
