Рэдакцыя сайту атрымала поўныя дадзены па колькасці подпісаў, якія выбарчыя камісіі прынялі за кандыдатаў у прэзідэнты па Віцебскай Вобласці. На фоне іншых адміністратыўных адзінак наш раён выглядае вельмі палітычна актыўным.

Так, у нашым раёне ў параўнанні з іншымі больш набралі подпісаў за Лукашэнка - 34.529. на другім месцы аказаўся Кастрычніцкі раён Віцебска, тут сабралі 32.297. На трэцім месцы Наваполацк - 29.316 подпісаў.

На другім месцы па колькасці прынятых подпісаў аказаўся Гайдукевіч. Па раёне за яго пададзена 10.957 подпісаў. Больш набраў толькі Першамайскі раён Віцебска - 11.845, а на трэцім Кастрычніцкі раён Віцебска - 4.826. Больш за тысячу за лідара ЛДПБ было сабрана толькі Чыгуначным раёне Віцебска, астатнія адміністратыўныя адзінкі вобласці не сабралі і 300 подпісаў.

За Караткевіч - адзіную жанчыну сярод кандыдатаў - камісіі прынялі 3.007 подпісаў па Аршанскім раёне, на другім месцы Наваполацк - 1.367. Трэцяе месца за Першамайскім раёне Віцебска - 1.211. Актыўна праявіў сябе і Талачынскі раён, тут прынята 748 подпісаў.

За Улаховіча па Аршанскім раёне прынята толькі 323 подпісы. Найбольш актыўна за яго падпісаліся ў Віцебску ў Першамайскім і Кастрычніцкім раёнах тут ён набраў больш за 2.000 галасоў, на трэцім месцы Чыгуначны раён Віцебска - 1.244 подпісы.

За Віктара Цярэшчанка ў Аршанскім, Талачынскім і Дубровенскім раёне не здадзена аніводнага подпіса.