Любы ахвотны можа паўдзельнічаць у стварэнні фотавыставы пад агульнай назвай "Мы аршанцы, мы беларусы". АМГА "Звяз" ініцыятары правядзення кампаніі і стварэння фотавыставы запрашае ўсіх ахвотных далучыцца, дасылаць свае фотаработы на тэму "Мы аршанцы, мы беларусы" на адрас сайту [email protected]. Гэта не фотаконкурс, таму тут не будзе размеркавання месцаў - для выставы будзе адабрана 10 фотаработаў, усе аўтары якіх атрымаюць прызы. Наш сайт выступае інфармацыйным спонсарам выставы, таму фота будуць не толькі аформлены ў выглядзе выставы, але размешчаны на сайце і ў адпаведных сацыяльных сетках.
Нейкіх спецыфічных патрабаванняў няма - дасылаць можна фотаздымкі ў любым папулярным пашырэнні. Раздрукоўвацца для выставы работы будуць фарматам А4, таму пажадана, каб фота былі адпаведнай якасці. Работы прымаюцца на адрас [email protected] да 10 кастрычніка.
Пры інфармацыйнай падтрымцы сайта orsha.eu і Асамблеі НДА
