Поўная назва кнігі "Хроніка палітычнага тэрору Крупскі раён/рэгіён Малое Палессе/Друцка-Бярэзінскі край 1918-2008". Аўтар кнігі - краязнаўца і грамадскі дзеяч з Крупак Андрэй Аляхновіч - два дзесяткі год збіраў інфармацыю пра палітычныя рэпрэсіі ў гэтым рэгіёне як па ўспамінах людзей, так і ў афіцыйных крыніцах. У выніку, выданне стрымалася вельмі насычаным - у ім распавядаюцца гісторыі і простых сялянаў ды настаўнікаў якія сталі бязвіннымі ахвярамі раскулачвання, і такіх легендарных асобаў як Юрка Моніч, які са зброяй у руках і паплечнікамі аказваў узброены супраціў рабаўніцтву вёскі.
Кніга не толькі распавядае пра недалёкі ад нас раён. Шмат людзей апісаных у кнізе не па сваёй волі аказаліся звязанымі з Оршай. Жыхароў апісваемага рэгіёну звозілі ў ссылкі праз аршанскую перасыльную турму, а многіх растрэльвалі ў турме на тэрыторыі былога Езуіцкага калегіюма. Таму, калі азнаёміцца з гісторыяй рэпрэсій у Крупскім раёне, то можна лепш зразумець і гісторыю таго часу на Аршаншчыне. Аўтар не спыняе сваё даследванне на 50-х гадах - смерці сталіна і, адпаведна, спыненні Сталінскіх рэпрэсій. Па яго меркаванні палітычныя рэпрэсіі працягваліся і далей, але мелі не настолькі вар'яцкія формы і сталі не настолькі масавымі. Сёняшняя ўлада паўнавартасны пераемнік бальшавікоў, што выяўляецца шмат у якіх падабенствах, у тым ліку, і працягу рэпрэсіяў. Прэзентацыя адбудзецца 29-га верасня (аўторак) а 18-00 па адрасе: вуліца Чырвонаармейская, д.13.
На фота: вокладка кнігі
На фота: аўтар кнігі на прэзентацыі ў Мінску
Мерапрыемства пройдзе ў рамках грамадскай кампаніі "Мы аршанцы, мы беларусы" ў супрацоўніцтве з кампаніяй "Беларускі сад".
