Зводка абласнога упраўлення міліцыі паведамляе пра шэраг здарэнняў у рэгіёне якія здарыліся напрыканцы мінулага і ў першыя два дні гэтага тыдня. Так, у пятніцу 18 верасня ў другой палове дня ў жанчыны - работніцы "Світанка" 1984 года нараджэння - з ейнага пакоя пры невядомых абставінах знікла 3 залатых пярсцёнка. Страты ацэнены ў 10 мільёнаў рублёў, заведзена крымінальная справа па факце крадзяжу.
У панядзелак жанчына 1966 года нараджэння каля 10 раніцы выходзіла з кватэры і не зачыніла дзверы, пакуль тая вярнулася з кватэры знік ноўтбук коштам у 2.200.000 рублёў. Міліцыя падазрае ў крадзяжы жыхара Магілёўскай вобласці 1980 года нараджэння.
У Лёзненскім раёне пенсіянерку 1923 года нараджэння абакраў наглядна ёй знаёмы мужчына. Пасля яго сыходу з дома жанчына заўважыла знікненне 3.000.000 рублёў.
У аўторак 22 верасня ў абедзены час ў Оршы быў затрыманы маладзён 1986 года нараджэння. З сабой у яго быў знойдзены пакет марыхуаны. Апошнім часам у горадзе сталі частымі затрыманні маладых людзей з наркотыкамі, але гэта першы выпадак пра які міліцыя афіцыйна паведаміла.
