Раней мы ўжо пісалі пра аварыю на пешаходным пераходзе на вуліцы Магілёўскай каля крамы MartInn, у выніку якой легкавым аўтамабілем была збіта жанчына. Пакуль афіцыйныя зводкі міліцыі не падцвердзілі факт здарэння, але з'яўляюцца яго новыя падрабязнасці. Жанчына, якая стала ахвярай здарэння, мела ўсяго толькі 23 гады. Віноўнік аварыі ехаў на занадта вялікай хуткасці - тармазны шлях склаў 70 метраў. Такую хуткасць ён набраў з-за таго, што паспрачаўся з прыяцелем, хто даедзе хутчэй - гонкі ішлі з боку Бабінічаў. Машыну, якая відавочна перавышала хуткасць, пабачыў пост ДАІ, але пакуль міліцэйская машына разварочвалася і ўключала мігалкі, каб дагнаць парушальнікаў, аварыя ўжо адбылася. Віноўнік аварыі быў адразу ж арыштаваны і зараз знаходзіцца пад вартай. Жанчына дастаўлена ў бальніцу і да гэтае пары не выйшла з комы. Дактары даюць ёй мала шансаў на выжыванне.
Па неправеранай інфармацыі, жанчына была цяжарная.
Яшчэ адзін наезд на пешаходаў адбыўся на скрыжаванні каля крамы "Рублёвский" у пятніцу 13-га чысла. Жанчына з дзіцёнкам пераходзілі дарогу на рэгулюемым светлафорам скрыжаванні і былі збітыя легкавіком. Абодва пешаходы дастаўлены ў бальніцу.
