Агульны попыт на нерухомасць знізіўся па ўсёй краіне. Але калі ў Берасці колькасць здзелак знізілася толькі на 2,1%, у Лідзе на 2,8%, у Маладзечне на 5,5%, а Салігорску 5,7%, дык у Віцебску ажно на 35%. Віцебск стаў першым горадам Беларусі, дзе сярэднія кошты па дадзеных рэальных здзелак апусціліся ніжэй за мінімальны ўзровень 2012 года.
У Оршы колькасць здзелак зніжаная на ўзровень каля 25%. За 9 месяцаў 2015 года ў Оршы было аформлена 588 здзелак куплі-продажу кватэр. Цікава, што самае дарагое жытло для мясцовых жыхароў на дадзены момант не ў Менску, а ў Маладзечне. Адзін квадратны метр там каштуе 2,7 сярэдніх зарплаты. У Менску 2,5.
Падрабязная інфармацыя апублікаваная на realt.by.
