У дачыненні да былога дырэктара прыватнай кампаніі з Сенненскага раёна, што займаецца будаўнічым бізнэсам, Аршанскім міжраённым аддзелам упраўлення ДФР КДК распачата крымінальная справа за ўхіленне ад выплаты 1,6 мільярда рублёў падаткаў.

Па выніках праведзенай фінансавай міліцыяй ва ўзаемадзеянні з інспекцыяй МПЗ па Сенненскаму раёну праверкі было ўстаноўлена, што дырэктар будаўнічай фірмы ў 2014 годзе ўнёс загадзя ілжывыя звесткі ў падатковыя дэкларацыі, змясціўшы ў бухгалтарскі ўлік прадпрыемства фіктыўныя дакументы па фінансава-гаспадарчым ўзаемаадносінам з лжэструктурамі.

Згодна з гэтымі дакументамі ў рамках заключанай з лжэструктурамі дамовы арэнды з правам выкупу прадпрыемства прыняло да ўліку акты здачы, прыёмкі работ аб прыняцці ў арэнду драбільна-сартавальнага абсталявання на агульную суму 6,48 мільярда рублёў, якія не маюць юрыдычнай сілы, а таксама таварна-транспартныя накладныя аб наступным набыцці гэтага абсталявання.

Аднак, як было ўстаноўлена, фактычна маёмасць у лжэструктур ў арэнду не прымалася і пасля не набывалася. У выніку гэтых маніпуляцый будфірмам былі завышаныя выдаткі і падатковыя вылікі па падатку на даданую вартасць. Пры гэтым аплата за арэнду і наступнае набыццё абсталявання прадпрыемствам не ажыццяўлялася, а сума налічаных да выплаты прадпрыемствам за 2014 падаткаў у бюджэт склала крыху больш за 30 мільёнаў рублёў.

З улікам сабраных доказаў па факце ўхілення ад выплаты падаткаў на суму больш за 1,6 мільярда рублёў у дачыненні да былога дырэктара прадпрыемства распачата крымінальная справа па частцы 2 артыкула 243 КК (ухіленне ад выплаты падаткаў у асабліва буйным памеры), якая прадугледжвае пазбаўленне волі тэрмін да сямі гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю.

У цяперашні час па крымінальнай справе вядзецца папярэдняе расследаванне, паведамляе прэс-служба КДК.