На ідэю стварэння такога фонда мастака натхніла сітуацыя вакол былога Базылянскага манстыра. Грамадства імкнецца дапамагаць царкве ў плане рэстаўрацыі інфармацыйна, матэр'яльна, кансультатыўна. Сам Мікола Мікалаевіч адпраўляе на патрэбы рэстаўрацыі больш за палову сумы ад продажу сваіх карцінаў, выстаўленых на дабрачынны аўкцыён. Але справа не рухаецца з месца. Незвачаючы на тое, што сродкі на рахунак паступаюць, царква да гэтае пары не разлічылася з архітэктарам за эскізны праэкт, ён у сваю чаргу не можа разлічыцца са сваімі работнікамі і таму праектаванне не можа ісці далей. Замест гэтага царква пабудавала ў двары былога манастыра вялікі двухпавярховы будынак для гаспадарчых патрэбаў, на які, канешне, таксама была патрачаны рэсурсы. Гэта і іншыя пытанні выклікаюць непаразуменні паміж царкоўнікамі, адказнымі за рэстаўрацыю і грамадскімі дзеячамі, якія хацелі б дапамагаць справе. А непаразуменні прыводзіяць да недаверу. З-за недаверу, які становіцца ўсё большым, Мікола Купава і прапануе стварыць асобны дабрачынны фонд "Аршанскі замак", які будзе збіраць сродкі на рэстаўрацыю архітэктурных помнікаў Аршаншчыны і пры гэтым будзе максімальна адкрыты ў пытанні траты грошай. Сродкі фонду будуць ісці на рэстаўрацыю або праз царкву, або паралельна царкве, але ад РПЦ таксама будзе патрабавацца дакладнае мэтавае выкарыстанне сродкаў. Дзейнасць фонду на думку мастака мае вялікую прастору для дзейнасці. Бо ў горадзе і асабліва ў раёне шмат помнікаў, якім патрабуецца кансервацыя і рэстаўрацыя, проста, для таго, каб яны не зніклі. Паралельна са зборам рэсурсаў, фонд павінен весці адукацыйную працу.
Гэтую ідэю Мікола Купава агучыў 26-га лістапада перад шэрагам грамадскіх дзеячаў рэгіёна. Ідэя была прынята добра, але нарадзіла шэраг пытанняў. Не на ўсе гэтыя пытанні атрымалася даць адказ адразу. Шэраг з іх вырашына перанесці на наступную сустрэчу з мастаком і іншымі зацікаўленымі дзеячамі культуры, якія маглі стаць сузаснавальнікамі фонда.
