У Беларусі сёння надта папулярнай стала такая з'ява як буккросінг, якія яшчэ называюць "вызваленне кнігаў". Сутнасць з'явы ў тым, што пасля прачытання кнігі любы чалавек можа яе "адпусціць - вызваліць", пасля чаго кніга пачынае падарожнічаць па ўсім свеце. Той жа, хто забірае гэтую кнігу (адпаведна перамяшчае і такім чынам, дапамагае ёй перамяшчацца), на яе месца павінен пакласці сваю кнігу. Таму гэта не толькі падарожжа самой кнігі, але і абмен паміж чытачамі. Буккросінг у Беларусь прыйшоў неклаькі год таму і захапіў вялікія гарады. Для буккросінга пачалі з'яўляцца адмысловыя месцы, памяшканні і сайты. Дабралося "вызваленне кнігаў" і да Оршы. Месцам, дзе любы чалавек можа сваю "вызваленую кнігу" памяняць на іншую не меньш "свабодную" стаў музеі Уладзіміра Караткевіча. У музеі пляцоўка для буккросінгу існуе ўжо амаль год. За гэты час кнігі, вызваленыя ў Оршы, пабывалі не толькі ў нашым горадзе і краіне, але і дабраліся на іншыя кантыненты - у Злучаныя Штаты Амерыкі.

Для таго каб скарыстацца гэтай пляцоўкай не трэба нейкай адмысловай рэгістрацыі, або грошай. Трэба толькі прыйсці са сваёй кнігай у музей Караткевіча і адразу на першым паверсе пакінуць яе, а ўзамен забраць любую з прадстаўленых упадабаных.