Мікола Купава разам з дзясяткам іншых гасцей навукова канферэнцыі па Магдэбургскім праве завітаў у музей Уладзіміра Караткевіча. Дэлегацыя прыйшла ў музей не дзеля экскурсіі - большасць гасцей раней ужо не раз наведвала знакаміты музей. На гэты раз госці прыйшлі сюды, каб проста падараваць музею лінарыты, напісаныя Міколам Купавам - "Вострая брама" і "Вязынка". Ніхто не збіраўся замаўляць экскурсію па музею ні на экспазіцыю, прысвечаную Уладзіміру Караткевічу, ні на выставу самога мастака Купавы. Але персанал музею, а ў прыватнасці дырэктарка ўстановы Ліна Гатоўская запатрабавала, каб госці набылі квіткі за наведванне музею на лічаныя хвіліны. У выніку госці былі змушаныя заплаціць у касу музея па 20 тысяч рублёў, купіўшы квіткі, у тым ліку і сам Мікола Купава. Тым не менш Мікола Купава падараваў лінарыты музею. Ліна Гатоўская прабыла з гасцямі толькі 10 хвілінаў, пасля чаго сышла ў свой кабінет.
Фота "Радыё Свабода".
