Гаворка ідзе пра выпадак калі перад матчам ФК "Орша" з ФК "Тарпеда-Жодзіна" група жодзінскіх фанатаў напала на аднаго фаната аршанскага клуба ў раёне прашпекту Тэкстыльшчыкаў. Справа атрымала вялікі розгалас.
Судзіў жодзінцаў па гэтай справе аршанскі суд. Сам працэс распачаўся напрыканцы верасня. І скончыўся у першай палове снежня. З 25 жодзінскіх фанатаў, якія ўдзельнічалі ў здарэнні, 21 былі перакваліфікаваны са статусу "падазраваны" у статус "сведка", яшчэ два да гэтае пары ў вышуку.
Справу маглі б і зачыніць, але напад адбыўся ў грамадскім месцы, нават, у прысутнасці дзяцей, якія, патэнцыйна, маглі стаць ахвярамі бойкі. З-за гэтага суд усё ж такі прысудзіў дваіх нападнікаў - фантаў жодзінскага "Тарпеда", але ўлічваючы тое, што пацярпелы бок адмовіўся ад прэтэнзіяў, а абвінавачваемыя прызналі віну, прысуд быў даволі мягкім - два гады з адтэрміноўкай на год. Гэта азначае, што на працягу году за гэтымі фантамі Жодзінскага "Тарпеда" будзе назіраць міліцыя і калі яны не патрапяцца на яшчэ нейкім парушэнні, то будуць на волі.
