Францысканскі манастыр - будунак за крамай "Віцязь" па вуліцы Савецкай - быў пабудаваны разам з касцёлам святога Антонія (знаходзіўся прыблізна на месцы "Віцязя") у 18 стагоддзі, калі насельніцтва нашага горада было пераважна каталіцкім. Пасля аднаго з антырасійскіх паўстанняў 19-га стагоддзя расійскія ўлады закрылі манастыр, тады пад рэпрэсіі патрапілі ўсе цэрквы, акрамя рускай праваслаўнай. У 60-я гады 20 стагоддзя касцёл святога Антонія быў знішчаны, а жылы корпус аддадзены пад жыллё. У тую ж хвалю знішчэнняў культавых будынкаў была знішчана і царква базылянскага манастыра. Да 2008 года ў будынку пражывалі людзі, але пад Дажынкі помнік быў выселены, а будынак чамусці перададзены не каталікам, а праваслаўнай царкве.
Традыцыйна, на рэстаўрацыю ў царквы грошай не аказалася. У выніку, увесь час, колькі манастыр быў ва ўладаннях праваслаўнай царквы, столькі ён і не выкарыстоўваецца, і не рэстаўруецца. Але ў канцы 2015 года частка будынка знаёшла сваё прызначэнне не ў рэлігійных мэтах, а камерцыйных. Царква здала частку будынка пад краму электратавараў.
