Орша, Эканоміка

Прымусовыя выходныя на "Барацьбіце"

30.12.2015 12:12

3716 праглядаў, 5 каментароў

Рабочых завода "Чырвоны барацьбіт" прымушаюць ісці на выходныя за свой рахунак.

Паводле інфармацыі, якая з'явілася ў нашага сайту, рабочых завода "Чырвоны барацьбіт" "настойліва просяць" пісаць заявы на некалькі выходных за свой рахунак. Згодна з інфармацыяй, атрыманай з уласных крыніц, кіраўніцтва заводу спасылаецца на адсутнасць працы на тры дні Новага, 2016 года. Рабочых просяць пісаць заявы на тры выходныя "за свой кошт" з 4 па 6 студзеня, каб усё выглядала "законна". 7 студзеня - праваслаўнае Раство, якое і так лічыцца выходным днём. Частка рабочых ужо напісала такія заявы пасля настойлівых "просьбаў" начальства, частка ж адмаўляецца рабіць гэта, бо заработная плата не ва ўсіх настолькі высокая, каб лёгка дазваляць сабе ісці на шэраг выходных дзён за ўласны рахунак.