Па словах пасажыра, які аказаўся ў аўтобусе фірмы "Спасибо-трэвэл" рэйсам Мінск-Масква, што спыніўся недалёка ад вёскі Юрцава, карціна здарэння адрозніваецца ад таго, што публікавалася ў афіцыйнай інфармацыі. Партал tut.by апублікаваў інтэрв'ю з пасажырам Мікітай Холькіным, які ехаў з Масквы разам з жонкай. Па яго словах аўтобус некалькі разоў спыняўся яшчэ да Юрцава, а ў МНС пасажыры звярнуліся пасля таго, як даведаліся, што аніякага запаснога аўтобуса фірма за імі не выслала.
Хаця пасажыры ўдзячныя за выратаванне аршанскім пажарным, але адзначаюць, што і ад іх дапамога ішла даволі доўга.
Цалкам інтэрв'ю пасажыра, каментар МНС і прадстаўніка фірмы перавозчыка можна прачытаць па дадзенай спасылцы.
