Мы ўжо паведамлялі пра аварыю каля вёскі Слаўнае Талачынскага раёну, у выніку якой загінуў 25-гадовы мясцовы жыхар, які быў пасажырам патрапіўшай у аварыю машыны. Як паведамляе ДАІ, у аварыі вінаваты 32-гадовы мясцовы жыхар, які быў за стырном аўтамабіля. На закругленні дарогі ён не справіўся з кіраваннем Жыгулямі, яго занесла спачатку ў адзін бок дарогі, потым у другі і выкінула ў кувет.
Сярод магчымых прычынаў чаму ж мужчына не справіўся з кіраваннем называецца тое, што ён быў выпіўшы і тое, што заднія колы былі ў летніх пакрышках. Можа быць смерці пасажыра можна было і пазбегнуць, але ні ён, ні кіроўца не былі прышпіленыя рамнямі бяспекі. Сам аўтамабіль не праходзіў тэхагляду і не меў страхоўкі.
