Орша, Грамадства

І цуд адбыўся :)

21.12.2013 20:22

3696 праглядаў, 8 каментароў

Лядовы палац часткова адкрыты

Як і было абяцана ў 2008 годзе, фактычнае адкрыццё Лядовага палаца ў Оршы днямі адбылося. Прайшло непрыкметна, без афіцыйных урачыстасцяў, праўда, спатрэбілася пачакаць гадоў пяць, ну, ды абяцанага заўсёды чакаюць. Адкрыты палац , дарэчы, пакуль далёка не цалкам, працуюць толькі боўлінг і, па сцвярджэнні персаналу, фітнес -цэнтр. Аднак да Новага года абяцаюць (зноў!) адкрыць і лядовую пляцоўку, і рэстаран, і більярд, і сауну. Тут жа з часам плануецца рэспубліканская апорная кропка для прыхільнікаў шорт - трэка і будзе адкрыта дзіцячая школа па гэтаму віду спорту. Ну што ж, пажывём - пабачым, да абяцанняў нам не прывыкаць. Нагадаем толькі, што дата адкрыцця Лядовага палаца пераносілася столькі разоў, што заблыталіся не толькі жыхары Воршы, але і газета «Рэспубліка». Кошты , праўда, для Оршы , не занадта нізкія: напрыклад, каб пагуляць у боўлінг на адной дарожцы на працягу гадзіны , трэба заплаціць ад ста пяцідзесяці да двухсот тысяч рублёў. Напэўна, гэтую «маленькую» нязручнасць мяркуецца кампенсаваць навізной забавы для нашага горада, а таксама рэжымам працы (з 12 гадзін дня да 2 гадзінаў ночы). Па чутках, Лядовы палац у сапраўдны момант знаходзіцца на балансе горада, а не чыгункі, як хацела б кіраўніцтва райвыканкама. Гэта праб'е салідную дзірку ў гарадскім бюджэце і, у канчатковым выніку, адаб'ецца на кішэні радавых грамадзян.