Аляксандра Дуліба, якая паходзіць з Бабінічаў Аршанскага раёну, была адной з галоўных алімпійскіх надзей Беларусі на будучых Алімпійскіх гульнях у Рыа-дэ-Жанэйра. Аднак цяпер гэтыя мары не здзейсняцца. У 30-гадовай марафонкі зафіксаваныя абнармальныя паказчыкі гематалагічнага профілю біялагічнага пашпарту. У выніку следуе 2-гадовая дыскваліфікацыя за прыём допінгу і наступны раз выйсці на дыстанцыю Аляксандра зможа толькі ў верасні 2017 года.
Дулиба апошнія гады жыве ва Украіне і трэніруецца пад кіраўніцтвам мясцовага спецыяліста Ігара Осьмака. У сакавіку 2013 яна выйграла марафон у Лос-Анджэлесе з рэкордам Беларусі - 2:26.05. Праз паўгода фінішавала 4-й на марафонскім мэйджары ў Чыкага, дзе істотна палепшыла сваё дасягненне - 2: 23.44. Гэта вылучыла яе ў лік вядучых марафонак свету. Новы ўзлёт адбыўся на яшчэ адным топ-марафоне - у Бостане. У красавіку 2014-га Дуліба прыбегла там 6-й, у трэці раз палепшыўшы рэкорд краіны - 2:21.29.
