Аварыя ў Оршы адбылася ў сераду 27 студзеня на пешаходным пераходзе скрыжавання вуліцаў Міра і Хігрына. Тут сутыкнуліся два легкавіка, адзін з якіх не паспеў своечасова затармазіць і ўехаў у бампер другога. Хаця аварыя была без ахвяраў і пацярпелых, а аўтамабілі атрымалі толькі лёгкія пашкоджанні, кіроўцы выклікалі для разбіральніцтва супрацоўнікаў ДАІ.
Другая аварыя адбылася на трасе Е95 каля Хлусава - тут 28 студзеня фура з прычэпам вылецела з дарогі, спрабуючы пазбегнуць сутыкнення з легкавіком.
