Інфармацыя пра тое што ў Оршы быў скрадзены аўтапрычэп "Зубронак", гружаны дровамі, абляцела многія выданні. Але акрамя дроваў з прычэпам, зводка УУС за гэты тыдзень паведамляе і пра іншыя арыгінальныя рэчы якія былі скрадзены.
Зводка за 1 лютага паведамляе пра крадзёж трох надзьмуваных матрасаў у Талачынскім раёне. Крадзёж адбыўся ў перыяд з 17 па 31 студзеня гэтага года - пацярпелыя толькі ў апошні дзень месяца пабачылі знікненне сваіх рэчаў. Пацярпелымі аказаліся два мясцовых жыхары - школьны настаўнік і электраманцёр, у якіх злачынца з падвальных сараяў сарваў замкі і акрама матрасаў вынес яшчэ шмат рэчаў - аўтамабільны насос, электраінструмант, набор гаечных ключэй, вопратку, скрыню з рознымі інструмантамі. Агулам у абодвух злачынца накраў больш чым на 11 мільёнаў. Злачынца пакуль не знойдзены.
У аўторак 2 лютага таксама ў Талачынскім раёне невядомы скраў у жанчыны ровар, які стаяў у двары яе дома. Ровару ў гэтым годзе павінна было споўніцца 8 год, магчыма, з-за гэтага ён быў ацэнены ўсяго ў 530.000.
На наступны дзень у міліцыю звярнулася жыхарка Аршанскгаа раёна - у яе невядомы выставіў вакно на лецішчы і скраў электракасу.
Аказваецца, нейкую каштоўнасць яшчэ ўяўляюць ДВД-дыскі - разам з ДВД-прайгравальнікам злачынца скраў 40 дыскаў у перыяд з 2 па 4 лютага, зламаўшы замок у дзвярах. Да дыскаў злачынца прыхапіў электрычны абагравальнік і падаўжальнік. Агулам страты ацэнены ў 740 тысяч.
Прыблізна ў той жа перыяд паджаўжальнік і электраінструмант быў скрадзены з будоўлі дома ў Талачынскім раёна. Злачынца адцісную шклопакет і па ацэнках міліцыі, пажывіўся прыблізна на 10 мільёнаў рублёў.
