Сумеснае пасяджэнне Прэзідыума раённага Савета дэпутатаў і райвыканкама, на якім была сфарміравана раённая камісія, адбылося ў 12 гадзін 26 снежня і працягвалася цэлых 12 хвілін. У выніку была сфарміравана камісія з 13 чалавек. У складзе камісіі работнікі райвыканкама, БРСМ, ідэалагічныя намы з прадпрыемстваў і арганізацый, дробныя чыноўнікі. Ні адзін з вылучаных у склад камісіі прадстаўнікоў апазіцыі уключаны не быў.
Хітом пасяджэння стала ўключэнне ў склад камісіі вылучэнца ад Камуністычнай партыі Беларусі (гэтая партыя падтрымлівае цяперашнюю ўладу) Аляксея Ламыго. Аляксею Ільічу ўжо споўніўся 81 год. На мінулых выбарах члены камісіі пад руку дапамагалі дзядулі падняцца на другі паверх і спусціцца на першы. Тым не менш менавіта такія людзі апынуліся запатрабаваныя ў раённай выбарчай камісіі.
