Дарога ад Горацкай трасы да вёскі Стаўры мае для жыхароў стратэгічнае значэнне. Па ёй ажыццяўляецца праезд аўтамагазіна 3 разы на тыдзень, хуткай дапамогі, газавых службаў, сацыяльных і культурных службаў і ў летні час па ёй праязджае ня менш 300 аўтамабіляў у суткі.
На жаль, гэтая дарога знаходзіцца ў жудасным стане, што відаць на фотаздымках. За апошнія 20 гадоў усе спробы рамонту гэтай дарогі зводзіліся да грэйдзіравання. У выніку пясчана-жвіровы насып амаль цалкам нівеліраваны. Апошні пласт жвіру прыбраны 24 снежня 2015 г., пасля чаго па самым цэнтры праезнай часткі ўтварыліся глыбокія яры.
Шматлікія звароты па гэтым пытанні ў Бабініцкага сельвыканкам, Аршанскі райвыканкам, Віцебскі аблвыканкам не далі ніякага практычнага выніку. Жыхары спадзяюцца на Прэзідэнта.
