У Лёзненскім раёне ў выніку ДТЗ загінуў 16-гадовы падлетак, яшчэ два атрымалі значныя траўмы. Здарэнне адбылося вечарам 4 красавіка на трасе Віцебск-Смаленск. Тры 16-гадовыя хлопцы рухаліся ўздоўж трасы, хаця на іх і былі флікеры, але рухаліся яны ў парушэнне правілаў паралельна руху транспарту. На 46 кіламетры дарогі на гэтую групу маладзёнаў наехаў аўтамабіль Івека Турба-дэйлі пад кіраваннем 39-гадовага віцебчаніна. Адзін падлетак загінуў, двое другіх дастаўлены ў бальніцу. Усе ўдзельнікі ДТЗ былі цвярозымі, каб высветліць абставіны здарэння да раследвання падключыўся Следчы камітэт.
У Талачынскім раёне трагедыя адбылася на наступны дзень - 5 красавіка днём. А 15-22 у пажарную службу прыйшло паведамленне пра пажар дома ў вёсцы Каменнае-Крывое Талачынскага раёну. Ужо праз 20 хвілін пасля паведамлення пажарныя змаглі спыніць вагонь, але ў доме быў знойдзены труп гаспадара, які, відавочна, загінуў пры спробе самастойнага тушэння пажару.
