Тэхналогія ліцця па газіфікуемых мадэлях з'яўляецца самай сучаснай, перспектыўнай, экалагічна бяспечнай і найбольш эканамічна арыентаванай у ліцейнай індустрыі. Такі метад ліцця дазваляе атрымаць адліўкі рознай серыйнасці з канструкцыйных нелегіраваных і легіраваных сталяў, шэрага і высокатрывалага чыгуну. Тэхналогія практычна не мае абмежаванняў пры ліцці каляровых металаў. За кошт мінімальных фармовачных ухілаў, змяншэння прыпускаў на механічную апрацоўку і тэхналагічных напускаў маса адлівак на 10-20% менш масы адлівак, што атрымліваюцца традыцыйнымі метадамі, што дазваляе знізіць аб'ём механічнай апрацоўкі і павысіць каэфіцыент выкарыстання металу.
Рэканструяваны ліцейны цэх "Легмаша" плануе вырабляць высокаякасныя адліўкі масай ад 0,1 да 300 кг аб'ёмам до 1000 тон на год. Ліццё з "Легмаша" будзе ісці ў Полацк, Магілёў, Гомель, Рэчыцу, расейскі Санкт-Пецярбург і іншыя гарады.
