З 7 па 9 траўня Орша ўпершыню прымае міжнародную сустрэчу аўтаспыншчыкаў. Усе аматары падобных вандровак запрашаюцца ў наш горад у раён трасы М1, дзе можна паставіць свой намёт і выдатна правесці час да 9 траўня ўключна. Раней "Беларуская Эльба" ладзілася ў Берасці - яшчэ адным "вузлавым" цэнтры, цяпер перанесеная на ўсходнія рубяжы Беларусі.
Аўтаспын - бясплатны спосаб вандровак, калі чалавек спыняе машыну і перасоўваецца на ёй да патрэбнай кропкі. Падчас паездкі, як правіла, адбываюцца размовы з кіроўцамі на розныя тэмы, у выніку чаго і кіроўцу не сумна весці аўтамабіль, і вандроўнік дабіраецца да патрэбнага месца. Мінусам аўтаспыну з'яўляецца тое, што далёк не ўсе кіроўцы праяўляюць разуменне і таму праязджаюць міма, але майстроў аўтаспыну гэта не бянтэжыць, і яны чакаюць "свайго" аўтамабіля.
Суполка сустрэчы "Беларуская Эльба-2016" Укантакце.
