Орша, Здарэнні

Відэа са збітым светлафорам

28.05.2016 14:23

4111 праглядаў, 2 каментара

У інтэрнэце з'явілася відэа, знятае праз секунды пасля аварыі са збітым светлафорам каля крамы "Старт".

Увечары 26 траўня каля крамы "Старт" на скрыжаванні вуліц Камсамольскай і Маркса адбылося дарожна-транспартнае здарэнне, у выніку якога упаў светлафор. Цікава, што светлафор працягваў працаваць і лежачы на зямлі. У інтэрнэце з'явілася відэа, знятае відэарэгістратарам аднаго з аўтамабіляў, які праязджаў побач з месцам аварыі. Відэа знята праз лічаныя секунды пасля таго, што адбылося. На ім не бачна моманту самой аварыі, аднак міні-ролік дае зразумець, што яна прыцягнула многа вачэй. Рух між іншым працягваўся ўжо без светлафору. Акрамя таго, на нашым сайце размешчаныя фотаздымкі з месца падзей.