Сярэдняя тэмпература за 2013 год у Оршы склала + 6,8 градуса. Пры тым, што нормай для ХХ стагоддзя з'яўляецца значэнне + 5,1 градуса. Такім чынам, мінулы год выдаўся цяплей нормы на 1,7 градуса. Варта сказаць, што гады з сярэдняй тэмпературай ніжэй, чым +4 перасталі сустракацца з 1987 года. Так што факт пацяплення клімату ў нашым рэгіёне адназначна даказаны.

Ападкаў за год выпала 693 міліметра. Гэта значэнне блізкае да нормы, якая складае 656 мм. Але размяркоўваліся ападкі на працягу года нераўнамерна. Больш за ўсё ападкаў выпала ў лістападзе - 108 мм, а менш за ўсё - у кастрычніку - 26 мм.

Цёплымі і вельмі цёплымі ў мінулым годзе выдаліся люты, красавік, травень, чэрвень, жнівень, кастрычнік, лістапад, снежань. Самая вялікая анамалiя ў лістапада - на 4,5 градуса вышэй за норму, а вось халодным выдаўся сакавік - на 3,4 градуса ніжэй сярэдніх шматгадовых значэнняў. Сакавік у мінулым годзе апынуўся халаднейшы за люты, што назіраецца ў нашых краях вельмі рэдка (апошні раз гэта здаралася ў 1951 годзе).

Тэмпература астатніх месяцаў апынулася блізкай да нормы.

Максімальная вышыня снежнага покрыва ў Оршы склала 46 см. ў перыяд 16-19 сакавіка пасля праходжання ураганнага снежнага шторму "Ксаўер". Але снег у красавіку раставаў з высокай хуткасцю. 7 красавіка вышыня снегу яшчэ складала 25 см, а 15 красавіка снегу ўжо не было зусім. Бясснежнай выдалася і Навагодняя ноч 2013 / 2014 года.

Апошні замаразак вясной адзначаны 29 красавіка, першы восенню 27 верасня.

Самая высокая тэмпература за 2013 год у Оршы адзначана 9 жніўня +30, 1 градуса, а самая нізкая 27 студзеня - мінус 25,3 градуса.